Şaristanê Marsilya yê Fransa de rayraşîyayîşo ke vera Komployê Mîyanneteweyî seba 3 rojan dest pêkerd roja 2. de yo.

Bordeaux, Montpellier, Touluse, Dragunyan û Lyon ra zaf kesî tewrê rayraşîyayîşî bîyî. Rayraşîyayîşî vizêr verê Şaredarîya Martiguesî de dest pêkerd. Roja destpêke de 150 çalakîkerê rayraşîyayîşî heta şaristanê Marignane rayîrî ra şîyî û şan Marignane de mendî. Roja diyîne ya rayraşîyayîşî zî verê Şaredarîya Marignane ra dest pêkerd. Roja diyîne ya rayrayîşî do şan St. Antioneya Marsilya de biqedo. Siba zî çalakîkerî saete 10:00 de dest pê rayraşîyayîşî bikerê, heta meydanê Vieux Portî yê Marsilya şorê û bi nawnayîşêk rayraşîyayîşê xo biqednê.