9ê çeleyê 2013î de paytextê Fransa Paris de ronayoxanê PKKyî Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanan ê Kurdan Leyla Şaylemez (Ronahî) ameybî qetilkerdene. 

Paris de çalakîya rayraşîyayîşî ya seba 3 cinîyan ê kurdan pê vengdayîşê TJK-F û CDK-Fyî dest pêkerd. Keyeyê şehîdan, endamê TJK-E, Serekê KONGRA-GELî Remzî Kartal, temsîlkarê partîyanê sîyasîyan ê Fransa û xeylêk têgêrayîşî tewrê çalakîye bîyî. Kurdîstanijî Gare Du Nord ê Parisî de ameyî yewca. Rêxistinanê femînîstan, Komeleya Paştdayîşê bi Kurdîstanî, MRAP, Partîya Antîkapîtalîste, Sendîlaya Soldairesî ya Partîya Çepgîre, Partîya Komunîste zî tede xeylêk têgêrayîşanê şorişgêran ê Tirkîya zî paştî daye çalakîye.

Hugo Volpeiyî nameyê UCLyî ser o qisey kerd û venga Fransa da ke 'Wa peynîya nê şermî bîyara û edaletî bîyara ca.' Volpeiyî vat: ''Wa PKK mîyanê lîsteya terorî ra bêro vetene.''

Çalakîkerî pankarta 'Heta ke edalet tarîtîye de bimano Fransa do sûcdar biba'  û posterê Rayberê Şarê Kurdî Abdullah Ocalanî berz kenê.

Rayraşîyayîş ver bi Meydanê Republique dewam keno. Tîya de do mîtîngêk bêro kerdene.