Roja Kobanê ya Dinya Oslo de ameye selamkerdene
Roja Kobanê ya Dinya ya 1ê Teşrîna Peyêne Oslo de ameye fîrazkerdene. Şayîye de ame vatene ke kurdan rûmetê merdimatîye pawit la dewleta tirke bi mezgê DAÎŞî hêrişanê xo rê dewam kena.
Paytextê Norwêçî Oslo de kurdan û dostanê xo Merkezê Kulturê Kurdan ê Osloyî de Roja Kobanê ya Dinya ya 1ê Teşrîna Peyêne fîraz kerde. Şayîye hetê Sol-Kurd (Solidaritet med Kurdistan) û Temsîlkarîya Îdareyê Xoserî yê Norwêçî ra ameye kerdene. Xeylêk kesî tewrê şayîye bîyî.
Hemserekê Sol-Kurd Truls Strandî şayîye de qisey kerd û pare kerd ke kurdan rûmetê merdimatîye pawit la dewleta tirke bi mezgê DAÎŞî hêrişanê xo yê vera kurdan rê dewam kena.
Temsîlkara Îdareyê Xoserî ya Norwêçî Şîlane Kobanê zî vilawek wend. Dostê kurdan, nuştox û wekîlê verênî Erling Folkvordî qisey kerd.
Şayîye de Welat Kobanê û Ciger Kobanê vejîyayî sehne ser.
