Rayraşîyayo Derg çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de serkêşîya ciwananê kurdan û enternasyonelan de yeno kerdene. Çalakîkeran roja verêne ya Rayraşîyayîşê Dergî verê HBFyî yê Bielefeldî de qedînaye û şan zî semînerê 'Jin, Jiyan, Azadî' serûber kerd.

Ciwanna îstasyonê merkezî yê trenan ê Bieleefeldî de govende girewte, roja verêne qedînaye û sloganê sey "Bijî Serok Apo", "Bê Serok jiyan nabe", "Freiheit fur Ocalan", "Jin, Jiyan, Azadî" vatî.

Dima ciwanî Merkezê Komelê Demokratîkî yê Kurdan de seba semînerî kom bîyî. Hunermend Sefkanî tîya de qisey kerd û ard ziwan ke paradîgmaya Rayberê Şarê Kurdî teyna seba şarê kurdî ney seba pêro merdimatîye çareserî ya. Sefkanî şîîra ke seba Jîna Emînî nuştbî wende.

Dima hunermend Sînanî deyîrî vatî û ciwanan govende girewt. Çalakîye de qiseykerdişê Abdullah Ocalanî yê serê azadîya cinîyan û sosyalîzmî ameyî mojnayene.

Roja diyîne ya rayraşîyayîşî ewro saete 09.00 de îstasyonê merkezî yê Hamme de do dest pêbikero.