Rojnameyê Il Manifestoyî yê Îtalya de bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî îlanê 'Abdullah Ocalanî rê Azadîye' ame dayene. Îlan hetê Komîteya Wextê Ci Ameyo, Ocalanî rê Azadîye, Torra Paştdayîşê Dostanê Kurdîstanî, Buroyê Enformasyonî yê Îtalya-Kurdîstanî ra dîya.

Îlan de ame vatene ke Abdullah Ocalan 20 serrî yo binê tecrîdî de yo û Kampanyaya 'Ocalanî rê Azadîye' venga her kesî dana ke seba azadîya ci têbigêro û paştî bido kampanya. Îlan de ame waştene ke wa tecrîd biqedo, muxalîfan rê zulm nêro kerdene, operasyonê Tirkîya yê vera Rojawanî û Başûrê Kurdîstanî biqedê û prosesêko haştîye yê newe dest pêbikero.