Şaristanê Saarbruckenî yê Almanya de serkêşîya Komeleya Keyeyanê Şehîdan (KOMAW) û Meclîsê Şarê Kurdî yê Saarlandî de, Merkezê Komelê Demokratîkî de şehîdê menga gulane ameyî yadkerdene.

Tewr tay 200 keyeyê şehîdan û welatperwerî tewrê yadkerdişî bîyî.

Qiseykerdişan de ame parekerdene ke şarêk eke wayîrê şehîdan, şerwanan û rayberanê xo nêvejîyo nêeşkeno azad bibo. Qiseykeran vat: ''Şarê kurdî bi wayîrvejîyayîşê xo perwerê şehîdanê xo beno. Ma bi ney sereberz ê.''

Qiseykerdişan de bale ameye antene ser ke ganî seba azadîya Rayberê Şarê Kurdî Abdullah Ocalanî hîna zaf têkoşîn bêro kerdene.

Yadkerdiş bi slogananê sey "Şehîd namirin", "Bijî Serok Apo" û "Jin, Jiyan, Azadî" qedîya.