Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de Rayraşîyayîşo Derg do bêro kerdene. Rayraşîyayîş 21ê çeleyî de dest pêbikero û 15ê sibate de şaristanê Strasbourgî de do biqedo. Rayraşîyayîşo Derg do seba temsîlkerdişê 26 serranê rehînbîyayîşê Rayber Apoyî 26 şaristanan de, 26 rojan û bi 26 beşdaran bêro kerdene.

Komîteya Hemle ya Fransa derheqê babete de eşkerayîyêke daye. Komîte vist vîrî ke Hemleya Azadîye serra diyîne de ya û ê do goreyê ney çalakîyan û xebatan bikerê. 

Komîte vist vîrî ke Rayber Apo 1999 de bi komployêkî ameyo esîrkerdene la 26 serran ra nata o têkoşînê xo mîyanê dêsan de dewam keno. 

Komîte dîyar kerd ke 15ê çeleyî de Rayraşîyayîşo Derg do bi mitîngêkî Strasbourg de biqedo. Komîte vat: ''Vera ferzkerdişnê qirkerdişî ma venga pêro şarê xo û dostanê xo danê ke wayîrê rayraşîyayîşê ma vejîyê û sibata 2025î de Strasbourg de beşdarê Rayraşîyayîşê Dergî bibê.''