Efrîno ke binê îşxalê dewleta tirke û cerganê ci de yo domano 15 serre Ehmed Xalid amebi qetilkerdene û cenazaya ey amebi eştene bîrêkî. Bonn û Viyana de vera qetilkerdişê domanî çalakîyê protestoyî ameyî kerdene.

Şaristanê Bonnî yê Almanya de bi rayraşîyayîşêkî qetilkerdiş ame protestokerdene. Çalakîye de xala domanî Yasmîne Xalid qisey kerd û vilawekê almankî ameyî wendene. Çalakîye de sloganê sey 'Tirkîyaya terorîste' ameyî vatene.

Paytextê Avusturya Viyana de zî mîtîngêk ame kerdene. Serkêşîya DEM KURDî de kurdîstanijan û dostanê înan verê bînaya Parlamentoyê Avusturya de qetilkerdiş protesto kerd. Çalakîye de îşxalê dewleta tirke ame şermezarkerdene.