Serekê Pêroyî yê YNKyî Bafil Celal Talabanîyî ewro Bexdad de Konferansê Dîyalogî yê Mîyanneteweyîyî de qisey kerd.

Talabanîyî bale ante prosesê çareserkerdişê meseleya kurdan ser ke hetê Rayber Apoyî ra ame destpêkerdene û vat: ''Semedê prosesê haştîye dîyalog û muzakere hewce kenê. Ma sey YNKyî hetê haştîye de yê, paştî danê nê prosesî.''

Bafil Talabanîyî veng da hêzanê mîyannteweyîyî zî û nê vatî: ''Ça de hewceyê ma est o ûca de paştî bidê ma. Kurdî 40 serrî yo vera hukmatê tirkî xover danê. Têna yew kurd çîno ke keyeyê ci ra kesêk hetê dewleta tirke ra nêameyo qetilkerdene. Kurdan şahîdîya qirkerdişê  dewleta tirke yê vera kurdan kerde.

Kurdê Sûrîye zî mîyanê hûzûrî de nîyê. Fermandar Mazlûm binê zextî de yo, çunke DAÎŞ nêqedîya, eqsê ci de beno gird. Seba ke tehdîtê DAÎŞî girdêr bêno ganî dewletê mîyanneteweyîyî rewşa Iraq û Sûrîye reyna bigîrê dest.

Seba ke Sûrîye de heqê kurdan, durzî û elewîyan bêrê pawitene ganî bi tewrbîyayîşê heme şaran û bawerîyanê Sûrîye qanûnê bingeyî yo newe bêro nuştene û nêro vîrakerdene ke kurdan DAÎŞî rê da vînkerdene, bin fîna.'2