Moskova, Oslo û Bruksel de serrgêra 25ine ya ronîyayîşê Kongreya Neteweyî ya Kurdîstanî (KNK) ameye fîrazkerdene.

Paytextê Rûsya Moskova de endam û rêxistinê komelê sîyasî û komelkîyî tewrê resepsîyonê ronîyayîşê KNKyî bîyî. Bername de sînevîzyonê serê KNKyî ame mojnayene û qalê xebatanê KNKyî ame kerdene.

Paytextê Norwêçî Oslo de zî hetê Temsîlkarîya KNKyî ra resepsîyon ame dayene. Resepsîyonî bi deqayêkê rêzgirewtişî dest pêkerd û dima qiseykerdişî ameyî kerdene. Qiseykerdişan de ame vîrvistene ke KNK seba caardişê yewîya kurdan ronîyayo.

Brukselê Belçîka de zî resepsîyonêk ame dayene. Hemserekê KNKyî Ehmed Karamûsî resepsîyon de qisey kerd. Derheqê tarîxê KNKyî de zî sînevîzyonêk ame mojnayene.