Kopenhag û Luzern de serrgêra 45. ya ronîyayîşê PKKyî bi şayîyan ameye fîrazkerdene.

Şaristanê Luzernî yê Swîsre de salona şayîye bi posteranê Rayberê Şarê Kurdî Abdullah Ocalanî û ala PKKyî xemilîyaye. Şayîye de nameyê CDK-S Mehmet Arslan û Zeynepe êlih, sîyasetmedar Fuat Kavî qisey kerd û înan venga pêro kesan da ke tewrê Hemleya 'Ocalanî rê Azadîye, Meseleya Kurdan rê Çareserîye' bibê. Şayîye de hunermendî Kawa Urmiye, Şiyar û Dijwar, Alî Jiyan, Zozan Zûdem, Farqîn Azad vejîyayî sehne ser. Şayîye bi govendan qedîyaye. 

Şaristanê Kopenhagî yê Danîmarka de şayîye de Hemserekê Kongra-Gelî Remzî Kartalî qala girîngîya têkoşînê PKKyî kerde. Şayîye de hunermendî Nûarîne, Bengî Agirî, Necatî Gezen, Lawîn Kobanê û Şivan Can vejîyayî sehne ser. Şayîye de bi deyîranê hunermendan kurdîstanijan govende girewte. Şayîye bi slogananê sey "Biji Serok APO, Bijî Berxwedana Gerilla"qedîyaye.