Şaristanê Liverpoolî yê Îngilîstanî de Seyîd Riza û embazê ci yê ke 87 serrî verî ameybî dardekerdene, bi merasîmêkî ameyî yadkerdene. Merasîm hetê Meclîsê Şarê Kurdî ra, Merkezê Komelê Demokratîkî yê Kurdan de ameyî kerdene. Merasîm de çirayî ameyî tavistene.

Hemsereka Merkezê Komelê Kurdan Eyleme Colemêrg yadkerdiş de ard ziwan ke Seyîd Rizayî peyê xo de mîrasê têkoşînî yo pîl verdayo. 

Hemserekê Meclîsê Şarê Kurdî Seyîd Suruçî îfade kerd ke tornê Seyîd Rizayî têkoşînê xo rê dewam kenê û vat: ''Ma do têkoşînê rûmetênî yê Seyîd Rizayî pîl bikerê. No rejîmo faşîst do qetî birijîyo.''

Endamê Merkezê Komelê Demokratîkî Mehmet Bîlîrî pare kerd ke Terteleyê Dêrsimî sûcê vera merdimatîye yo.

Merasîm de sînevîzyonêk ame mojnayene. 

Merasîm bi sloganan qedîya.