Roniştişê bire yê dewaya Salîh K.yî şaristanê Stuttgartî yê Almanya de ame kerdene. Roniştiş Mehkema Berze ya Stutgartî de ame kerdene û nameyê Salîh K. ser o avûkata ci Anna Busl Astrîd Boxberg tewrê roniştişî bîye. Heyetê mehkeme roniştişê 8ê çeleyî de waştbi ke Salîh K. yo 63 serre goreyê madeya 129byî ya Almanya bêro hukmkerdene, ci rê 3 serr  ceza bêra dayene. Mehkeme zî no pêşnîyaz qebul kerd û 3 serrî cezaya zîndanî daye Salîh K.yî.

Sîyasetmedar Salîh K.yo ke şert û mercanê sîyasîyan ra Tirkîya ra rema neçare mend ke Almanya de muracatê multecîtîye bikero zewijnaye û babîyê 3 domanan o û rewşa ci ya weşîye zî xirab a. Salîh K. yo ke nêweşê zerrî yo verî ke ame tepiştene çokê xo ra ameyêne weşkerdene la dima amelîyatê ci ame taloqkerdene.

Salîh K. 21ê hezîranê 2018î ra nata tepişte yo. Salîh K. bi îdîaya ''îdarekarîya PKKyî'' yeno sucdarkerdene.