Sîyasetmedaro kurd Ali Engizeko 3 serrî  Almanya de zîndan de ame tepiştene ewro serê sibayî Zîndanê Duseldorfî ra serbest ame veradayene.

Engîzeko ke 4ê adara 2022î de ame tepiştene Zîndanê Stammheimî yê Stuttgartî de di serrî mend û serrêke zî Dusseldorf de mend.

Engizeko ke hetê merdiman û embazanê xo ra verê zîndanî de ame pêşwazîkerdene û vat ez heme kurdîstanijan rê selam kena ke têkoşîn kenê.

Ali Engizeko ke mabênê serranê 1980-1988î de zîndananê tirkan de mend eynî wextî de birayê şorişgêrê 50 serran Huseyin Engizek (Cafer) o ke çend hewteyî verî şehadetê ci amebi eşkerakerdene.