Bajarê Stuttgartî yê Almanya de vizêr roniştişê 60. yê Veysel S., Agit K., Ozkan T.  yê ke tepişte yenê muhakeme kerdene û Cihan A., Evrim A., yê ke serbest yenê muhakemekerdene ame kerdene. Badê roniştişî de verê berî de çalakîya paştdayîşî ameye kerdene.

Roniştiş de dosyaya Mustafa Çelîkî yo ke Hamburg de yeno muhakemekerdene ra qismê Veysel S.yî ame wendene. Avûkatî vera naye vejîyayî û vat dosyaya kesêko cezaya ci bîya qetî ra tîya wendiş yeno no mana ke derheqê înan de zî qerar dîyayo. Mehkeme 24-25ê êlule rê peyde ameye eştene.

Badê roniştişî hetê FCK, DKTM, AGİFî ra verê Zîndanê Stamheimî çalakîya paştdayîşî ameye kerdene. Çalakî de temsîlkaranê Rote Hîlfe ( Hetkarîya Sûre) zî eşkerayîye daye. Eşkerayîye de seba ke hukmatê Almanya paştî Tirkîya û sîyasetmedaranê kurdan krimînalîze keno nêrazîbîyayîş ame ramotene. Qiseykerdişan de paştî dîyaye kesanê ke yenê muhakemekerdene û mesajê xurtkerdişê têkoşînî dîya.