Şaristanê Stockholmî yê Swêdî de bi wesîleya Roja Haştîye ya Dinya ya 1ê Êlule Festîvala Kulturê Kurdan ameye kerdene û festîvale de seba azadîya Rayberê Şarê Kurdî Abdullah Ocalanî mesajî ameyî dayene.

Festîvale de Hemserekanê NCDKyî Menîce Yîgît û Mehmet Kayayî bale ante hêrişanê dewleta tirke yê vera kultur û ziwanê kurdan.

Hemsereka KNKyî Zeynebe Murad zî xîtabê girseyî kerd û venga pêro partîyanê sîyasîyan, dezgehan û şarê kurdî ra waşt ke verê îşxalê dewleta tirke bigêrê.

TJK-E mesajêk şawit festîvale û tede pare kerd ke ganî kurdî seba azadîya Abdullah Ocalanî biqîrê.

Festîvale de hunermendî Koma Yarsan, Koma Çarnewa, Ayfer Düzdaş, Şerif Omeri, Helim Omeri, Nahid Hewrami û Rizgar Hewramî vejîyayî sehne ser. Şarî bi coşî govende girewte.

Festîvale de Enstîtuyê Kurdan, Jineolojî û PENA Kurd standî akerdî û Zarok Ma zî seba domanan atolyeyî kerdî.

Festîvale şewe bi slogananê ''Bijî Serok Apo" û  "Jin jiyan azadî" qedîyaye.