Swêd de meydanê teyarayan de çalakîya bêîtaatîya sivîle
Şaristanê Goteborgî yê Swêdî de meydanê teyarayan de seba boykotkerdişê turîzmê Tirkîya çalakîya bêîtaatîya sivîle ameye kerdene.
Şaristanê Goteborgî yê Swêdî de meydanê teyarayan de seba boykotkerdişê turîzmê Tirkîya çalakîya bêîtaatîya sivîle ameye kerdene.
Kurdan û dostanê înan ê ke roja yewşemeyî de meydanê teyarayan ê Landsvetterî de ameyî têhet çalakîyêke kerde.
Çalakîkeran îşxalê dewleta tirke yê vera Rojawanî protesto kerd û veng da ke turîzm û malê Tirkîya bêrê boykotkerdene.
Çalakîye bi vengdayîşê Komîteya Rojawanî ameye kerdene û çalakîye de pankarta bi nuşteyê ''Rojawan ameyox awan keno, vera kapîtalîzmê gorî kapîtalîzmo keskî'' ameye kiriştene. Çalakîkeran vilawekî vila kerdî û derheqê çalakîye de zanayîşî dayî raywanan.
Vilaweke de wina ame vatene: "Erdogan têna seba qirkerdişê kurdan, asûran û êzidîyan hêrişê Rojawanî nêkeno. Heman wextî de wazeno ke sîstemê Rojawanî çn bikero."