Bajaranê  Bîel, Solothûrn û Sîonî yê Swîsre de bi çalakîyan tecrîd ame protestokerdene û grevê vêşanîye ameyî silamkerdene.

BÎEL

Bajarê Bîelî de hetê Platformê Paştdayîşê Grevê Vêşanîye ra çalakîyêk ameye organîzekerdene.  Çalakwanan fotografê xoverdayoxanê grevê vêşanîye kiriştî û bi pankartêk balê ante grevan ser. Qiseykerdişan de bêvêngîya Ewropa ameye protestokerdene û sere de CPT dezgehanê Ewropa ra ame waştene ke wa berpirsîyarîya xo bica bîyarî.

SOLOTHÛRN

Solothûrn de zî rayberîya Platformê Paştdayîşê Grevê Vêşanîye de çalakîyêk ameye viraştene.  Mîtîng de bala ancîya ke xoverdayoxê grevê vêşanîye kewtê merheleya krîtîke û şarê Kurdî ra ama waştene ke seba vergirewtişê mergan vengê xo berz bikero.Çalakîye de ame vatene ke heta bicaardişê waştişê xoverdayoxan çakakîyê înan do dewam bikerê.

SÎON

Bajarê Sîonî de zî aktîvîteyê hadreyîye ya Grevê Cinîyan ê Swîsre yê 17’ê Hazîrane de  bale ancîya grevê vêşanîye ser. Aktîvîstê Têgêrayîşê Cinîyan ê Kurdan aktîvîte de qisey kerd û derheqê tecrîdê Îmrali û xoverdayîşê grevê vêşanîye de zanayîş da û vat ke waştişê Leyla Guvene waştişê ma yo