Şaristanê Solothurnî yê Swîsre û şaristanê Wuppertalî yê Almanya de tecrîdê vera Rayberê Şarê Kurdî Abdullah Ocalanî ame protestokerdene û paştî dîyaye grevê vêşanîye yê tepişteyan.

Solothurn

Çalakîye rayberîya NCDKyî de ameye kerdene û tede pankarta bi nuşteyê 'Wext Wextê Azadîye yo', 'Tecrîd sûcê merdimîye yo', 'Tepişteyê sîyasî rûmetê ma yê' ameye akerdene û fotografê Rayberê Şarê Kurdî Abdullah Ocalanî kirişîyayî.

Wuppertal

Çalakîye de bale ameye antene grevê vêşanîye yê tepişteyan ser. Komeleya Dostane ya Kurd-Almane û Meclîsê Cinîyan ê Vîyane tewrê çalakîye bîyî.  Çalakîye pê vilakerdişê vilawekan û sloganan qedîyaye.