Endamanê Têgêrayîşê Ciwananê Şorişgêran (TCŞ) paytextê Fransa Paris de bi şîarê ''Xo rêxistin bikerê, Rayber Apoyî azad bikerê'' kongreya xo ya hîrêyîne kerde.

Kongre bi yadkerdişê şehîdan dest pêkerde. Ciwanê kurdîstanijî, enternasyonalîstî, şorişgêrî û çepgîrî kongre de amade bîyî.

Kongre de hêverî rojnameger Sefkan Kobanêyî qisey kerd û qala 'Ma bi ciwanan dest pêkerd, do bi ciwanan ser bikewê' ya Rayberê Şarê Kurdî Abdullah Ocalanî viste vîrî.

Kobanêyî vat: ''Ciwanî ganî dormeyê Rayber Apoyî de xo rêxistin bikerê û seba azadîya ey têkoşînî pîl bikerê.''

Endamanê TCŞyî zî dîyar kerd ke ê pêro çalakîyanê xo û rêxistinîya xo seba azadîya Rayberê Şarê Kurdî kenê û kongreya xo zî seba nîşaneya qerardarîya ney kenê. Ciwanan ard ziwan ke sîstemo kapîtalîst reyka teng bîyo coka hêrişê şaran keno. Ciwanan îfade kerd ke Şorişê Rojawanî yo ke bi paradîgmaya Ocalanî ronîyayo pêro dinya rê beno mîsal.

Ciwanan da zanayene ke seba ke hêrişanê AKP-MHPyî yê faşîste û dewleta tirke ya qirkere teşhîr bikerê ê do hîna zaf xîret bikerê, azadîya Ocalanî bîyarê ca û têkoşînê xo ser bivisnê.