Şaristananê Stuttgart, Berlin, Mannheim û Dortmundî yê Almanya de û şaristanê Bordeauxî yê Fransa de pê çalakîyan azadîya Rayberê Şarê Kurdî Abdullah Ocalanî ameye waştene. Çalakîyî rayberîya Têgêrayîşê Ciwanan ê Şorişgêran (TCŞ) û TÊKO-JIN de ameyî kerdene.

Stuttgart

Aktîvîstanê TCŞ û TÊKO-JIN çalakîya bêîtaete ya sivîle kerde. Ciwanan rayîrê Olgastrasse de verê trafîkî girewt û fotografê Abdullah Ocalanî akerdî. Çalakîye de sloganê 'Biciwîyo Serek Apo' amey vatene.

Mannheim

Şaristanê Mannheimî yê Almanya de zî TCŞyî warê nawnayîşan de eşkerayîyêke daye û ard ziwan ke armanco înan o verên azadîya Rayberê Şarê Kurdî Abdullah Ocalanî ya û ê do seba nê armancî heta peyênî têkoşîn bikerê.

Dortmund

Ciwanan Dortmun de seba azadîya Rayberê Şarê Kurdî Abdullah Ocalanî çalakîyêke kerde. Çalakîye de ciwanan şarê almanî rê derheqê Abdullah Ocalanî û tecrîdî de agahîyî dayî.

Bordeaux

Ciwanan seba azadîya Rayberê Şarê Kurdî Abdullah Ocalanî çalakîya roniştişî kerde û derheqê tecrîdê Îmraliyî de vilawekî vila kerdî.

Berlin

Berlin de zî bi seyan kesî seba azadîya Abdullah Ocalanî û paştdayîşê grevê vêşanîye yê tepişteyan vejîyayî meydanan. Meclîsê Kurdîstanijan ê Azadan, Meclîsê Cinîyan ê Destane, TCŞ, TÊKO-JIN, ATÎF, Young Struggle zî tewrê çalakîyî bîyî. Wekîla verêne ya HDPyî Sîbele Yîgîtalp zî çalakîye de qisey kerd û îfade kerd ke tecrîdê vera Ocalanî tecrîdê vera pêro kurdan o. Çalakîye pê sloganan qedîyaye.