"Platformê cuye yê vera Tecrîdî” seba şermezarkerdişê tecrîdkerdişê Ocalanî vizêrî bajarê Kolnî yê Almanya de rayraşîyayîş û mîtîngêk viraştibi. Xoverrodayoxê grevê vêşanîye Mustafa Tuzak zî tewrê mîtîngî bi, labelê hetê polîsanê Almanî ra bi derbkerdiş ame destbendkerdene.

Resimê Rayberê Şarê Kurdî Abdullah Ocalanî yo ke serê êlega Tuzakî de bi ame manekerdene.

Tuzak o ke hetê dadgehê nobedarî ra ameyo verdayene, tewrê mîtîngî bi û qisey kerd.

Tuzak mîtîngî ra dima agêra Duisburgî yo ke grevê xo domneno û hetê doxtorî ra kontrolê ey ê weşîye ame kerdene. Serê bedenê Tuzakî de rêça derbî ameye tespîtkerdene.

Tewirê polîsan ê Almanî yê vera çalakwano ke 49 rojî yo grevê vêşanîye de yo, kerdişanê polîsanê Tirkî ano vîrî merdiman. Tuzakî ard ziwan ke, o do nê kerdişê teberê merdimîye û şîdetî bibero dadgehî.