KCDK-E’yî bi eşekrayîyêk semedê tewrbîyayîşê çalakîya Kolnî ya ke bi waştişê wedartişê tecrîdî û paştdayîşê xoverdayîşê grevê vêşanîye do bêro viraştene veng da û vat ke bi girdkerdşê xoverdayîşî ma do ser bikewê.

Eşkerayîya nuştekîye de ame vatene ke grevê vêşanîye yê ke bi rayberîya Leyla Guvene de vera tecrîdî dest pêkerdî, vila benî. Ewro ra dima heme hepisxaneyanê Tirkîya û Vakurê Kurdistanî de girewteyê sîyasî do bikewê grevê vêşanîye yê bêdem û bêagêrayîşî.

KCDK-E'yî da zaneyene ke, sere de Leyla Guvene, Nasir  Yagiz û Yuksel Koç rewşa weşîye ya xoverrodayoxanê grevê vêşanîye êdî resaya sewîyêka kîrîtîke û bale ante serê bêvengîya Konseya Ewropa, CPT û Parlamentoyê Ewropa.

KCDK-E'yî bêvengîya CPT û nêhîsgêrîya sazgehanê Ewropa rexne kerde û vat:’’ Na bêvengîye û nêhîsgêrîye cesaret dana dîktator Tayyîp Erdoganî.Tecrîd teyna serê Ocalanî de nêno kerdene ma hemeyan ra yeno kerdene, ma ganî wina bifikirê. Tecrîdê serê Ocalanî ganî bêro wedaritene. Bi nê amancî ma veng danê heme Kurdistanijan, Elewî, Armenî, Musluman, Êzidî, Asûrî-Suryanî, cinî û ciwanan ke wa  2’ê Adare, roja Şeme de tewrê rayraşîyayîş û mîtîngê Kolnî bibê û xoverdayîş xurt bikerê.’’