Çarçewa Roja Kitabanê Abdullah Ocalanî ya 10ê Kanûne de serkêşîya Meclîsê Cinîyan ê Jîyane de paytextê Îngilîstanî London de verê Rêxistina Efû de çalakîyêke ameye kerdene. Komê mîyanneteweyî û kurdîstanijî tewrê çalakîyî bîyî.

Çalakîye de sloganê sey "Bijî Serok Apo", "Duh Mandela îro Ocalan" û "Ji Ocalan re azadî, ji Kurdistanê re statu" ameyî vatene.

Avûkata namdare Margarete Owen zî tewra çalakîye bîye. Çalakîye ra verî Meclîsê Cinîyan ra Berfîne Dêrsim, Turkane Ozcan û Margarete Owen derheqê tecrîdê Îmraliyî de dosyayêke daye rêxistine.

Dima cigêrayox Royal Halloway Ida, femînîstanê Amerîkaya Latîne, rojnameger Penne û Margarete Owen kitabanê Ocalanî ra pasajî wendî.

Dima Owene qisey kerd û da zanayene ke bi paradîgmaya Abdullah Ocalanî cinîyî seba azadîya xo têkoşîn kenê. Owene pare kerd ke tecrîdê vera Abdullah Ocalanî sûcê vera heqanê merdiman o.

Şaristanê Baselî yê Swîsre de zî çarçewa Roja Kitabanê Abdullah Ocalanî de serkêşîya Înîsîyatîfê 'Abdullah Ocalanî rê Azadîye, Meseleya Kurdan rê Çareserîye' de çalakîye ameye kerdene.

Çalakîye de Endama Înîsîyatîfê Freiheit Fur Abdullah Ocalan-Frieden li Kurdistanî û açarnayoxe Reimere Heider kitabanê Ocalanî ra pasajî wendî.

Reimere Heider ard ziwan ke Abdullah Ocalanî bi paradîgmaya xo perspektîfêko newe pêşkêşê merdiman kerdo û vat: ''Ewropa de eleqeyê seba kitabanê Ocalanî zêdîyeno. Zaf cayanê dinya ra merdimî tewrê çalakîyanê Roja Kitabanê Ocalanî benê.