Bajarê Baselî yê Swîsre û paytextê Awûstûrya Vîyana de semedê protestokerdişê tecrîdê serê Rayberê Şarê Kurdî Abdullah Ocalanî û paştdayîşê grevê vêşanîye çalakîyî ameyî viraştene.

Bajarê Baselî yê Swîsre de semedê paştdayîşê grevanê vêşanîye yê ke rayberîya Leyla Guvene de semedê wedartişê tecrîdî  ameyî destpêkerdene û zîndanan, Strasboûrg, Hewlêr, Galler û Ewropa de yenî domnayene, çalakîyêk ameye oraganîzekerdene. Çalakîya ke bi vengdayîşê Platformê Paştdayîşê Grevena Veşanîye ameye viraştene, xeylî kesî tewrê ci bîyî û bi pankart û sloganan azadîya Ocalanî waşte û paşt da xoverdayoxanê grevê vêşanîye. Qiseykerdişan de bale ancîya ke rewşa xoverdayoxan kewta merhaleya krîtîke û sere de CPT sazîyanê Ewropa ra ame waşteneke vara naye bêvêng memanî û berpirsîyarîya xo bica bîyarê.

Paytextê Awûstûrya Vîyana de  zî Kurdistanijî û dostê înan semedê protestokerdişê tecrîdê serê Ocalanî û wayîrvejîyayîşê xoverdayoxanê grevê vêşanîye kuçeyan de bî. Çalakwanan fotografê Ocalanî, Guvene û xoverdayoxanê bînan kiriştî û bêvêngîya Ewropa şermezar kerd û bi vilakerdişê vilawekan derheqê tecrîd û grevan de zanayîş da.