Wan de siba bi şîarê ''Rayberîya Azade, Komelo Demokratîk'' û ''Semedê Azadîye Newroza Komelê Demokratîkî'' Newroze do bêro pîrozkerdene.

Ciwananê Wanî verê şayîya girde ya Newroze, Taxa Koyîçî de kom bîyî û Newroze bi coşê pîlî pîroz kerd.

Ciwananê ke meşaleyî û alayê PKKyî kiriştî bi slogana “Bijî serok Apo” postero kerd ê Rayber Apoyî akerd û dormeyê ci bi adirê Newroze xemilna. Posterê girdî yê Rayber Apoyî mabênê çemberê adirê Newroze de tarîtîya şewe roşn kerd.  Şayîya ciwanan dîmenî rengînî vetî meydan.

Şarê taxe zî bi tîlîyan û sloganan paştî dayî şayîya ciwanan. Şayîya ciwanan heta saetanê şewe dewam kerd û berzkerdişê sloganan qedîyaye.