Wan çalakîyanê protestoyî yê vera darbeya qeyûmî de 55ê înan domanî 400 kesî ameyî destbendkerdene û raştê îşkenceyî ameyî.

Goreyê zanayîşê ke pawitoxanê heqî û rêxistinanê huqûqî ra ameyî girewtene 350 kesî binê çimdarîya avûkatan de prosesê ci yê huqûqî dewam keno û înan ra 24 kesî ameyî tepiştene . 50 kesî zî badê îfadeyî serbest ameyî veradayene. 

16ê înan domanî zafê ci raştê îşkenceyî ameyî û sere, erme û destan înan şiknayîşî ameyî tesbîtkerdene, bedenê înan de rêçê îşkencey giranî est ê. 2 kesê ke  serbest ameyî veradayene problemê vînayîşî est o.

Xeylê kesê ke protestoyan de raştê hêrişê polîsan ameyî û birîndar bîyî tersê destbendkerdişî ra nêşîye nêweşxane. Reyna xeylê kesê ke şîyî nêweşxane rixmê derbanê xo yê giranan rapor nêdîya înan. OHD û ÎHDyî ke masaya krîzî na ro do nizdî ra raporê xo yê binpaykerdişê heqan eşkera bikero.