Rayberîya SMJÊ, NAV-YEK, MŞD, HCÊ, Paştdayîşê Êzidîyanê Sûrîye, Merkezê Kulturê Êzidxanî, Koordînasyonê Dewanê Vakurê Kurdîstanî de şaristanê Oldenburgî de seba paştdayîşê Asayîşê Êzidxanî nobeta 3 rojan vizêr dest pêkerde.
Çalakîye 27ê sibate de pê şîarê 'Xoserîya Şingalî caardişê pawitiş û asayîşê ma yo. Fermanê serê êzidîyan rê nê' biqeda.
Çalakîye pê deqayêkê rêzgirewtişî dest pêkerd û alayê YBŞ, YJŞ û dezgehanê êzidîyan ameyî akerdene. Şarî sloganê 'Biciwîyo Xoverdayîşê Şingalî' û 'Biciwîyo Asayîşê Êzidxanî' vat.
Temsîlkaranê rêxistinan derheqê peymana Bexdad-Hewlêrî ya serê Şingalî de qisey kerd û pare kerd ke caardişê cuya azade û arame ya Şingalî pê xoserîya Şingalî beno.
Ewro çalakîye Infostand de 1300.-15.00 de do bêra kerdene û roja peyêne zî 14.00 de Schlobplatz de do bêra kerdene.