Îdareyê Kantonê Firatî yê Îdareyê Xoserî derheqê hêrişanê îşxalî û xoverdayîşê cinîyan de eşkerayîyêka çapemenîye daye. Eşkerayîye Meydanê Jina Azade de ameye dayene û Endama Kongreya Starî Peymane Elûş eşkerayîye wende.

Eşkerayîye de ame parekerdene ke dewleta tirke rijîyayîşê rejîmê Baasî xo rê sey firsendî dîyo û hêrişê Şorişê Cinîyan ê Rojawanî kena. Elûşe îfade kerd ke dewleta tirke û cergî bi taybetî Kobanê kenê hedef ke tede DAÎŞ amebi binvistene.

Elûşe vat: ''Kobanê ruhêko neteweyî afernayo û ewro bîya rûmetê kurdan. Kobanê do ancî bi ruhê Arînan û Gelhatan xo ver bida. La dewleta tirke ya îşxalkere û mutefîqê ci do bin bikewê.

Ma do seba Sûrîyeyêka newîye bixebitê Ma venga pêro cinîyan û rêxistinanê cinîyan danê ke seba ke projeyê Îdareyê Xoserî pêro cinîyanê Sûrîye bigêro xo mîyanê bixebitê.''