Wezîrîya Karanê Teberî ya Almanya da zanayene ke înan reya verêne raşta raşte HTŞyî de temas kerdo. Hukmatê Almanya pare kerd ke înan heyetêkê dîplomasîyî şawito Şamî û heyetî selahîyetdaranê HTŞyî de pêvînayîş kerdo.

Vervatoxê Wezîrîya Karanê Teberî îlan kerd ke pêvînayîşan de prosesê Sûrîye û pawitişê şaranê bînan ameyê nîqaşkerdene.

Vervatoxî dîyar kerd ke seba ke Şam de temsîlkarîye bêra akerdene xebatî yenê kerdene û ê xebatanê HTŞyî nêzdî ra teqîb kenê.