Roniştoxanê taxa Enterîyê ya Qamişloyî ANFyî rê qalê girîngîya xopawitişî kerd.

Salîh Omerî da zanayene ke ê komunan reyde pawitişê herême kenê û vat: ''Ma paştî danê hêzanê xo û pawitişê herême kenê. Pawitişê welatî pawitişê estbîyayîşî yoç. Ganî ma şewe û roje payan ser de bibê û cuya xo asayî bikerê. Dişmen çend hêriş bikero zî do bi îradeyê ma nêeşko. Ma do hetê peynî erdê xo bipawê.''

Leyala Resûla ke sey cinîyêke cepheyê xoverdayîşî de ya vat: ''Wexto ke ma şinê nobete domanê ma xo asayî hîs kenê. Ma heta serê sibayî nobete de yê. Merdim wexto ke pawitişê erdê xo keno eşkeno pawitişê şarê xo zî bikero. Ez venga pêro şarê ma dana ke bi seferberî refanê xoverdayîşî de cabigêro.''

Hîkmet Şakîrî vat: ''Ma seba ke paştî bidê QSD û Îdareyê Xoserî cepheyê xoverdayîşî de yê. Her komun de nêzdîyê 300-400 keyeyî est ê û her komunêk taxa xo heta şewe paweno. Her roje komun 7 kesan weçîneno û nê nobete kenê. Ma soz danê ke cuya xo bi xoverdayîşî bipawê. Ma soz danê ke hêzanê xo yê leşkerîyan xurt bikerê û xortanê xo tewrê têkoşînî bikerê.''