Hêrişê dewleta tirke û çeteyanê ci yê vera AwbendêTişrînî badê pêkewtişanê giranan ame şikayene. Şervanê QSDyî yê ke vera dewleta tirke ya îşxalkere û çeteyanê ci xover danê balê antê xoverdayîş tarîxîyî ser.
Çeteyanê DAÎŞî yê ke dewleta tirke nameyê SMOyî nayo pa, bi saeta herêmî 16:30 de başûrê Tişrînî û herêma Sekenê ra vera awebendî dest pê hêrişî kerd.Çeteyanê ke hêriş kerd raştê xoverdayîşê şervananê QSDyî ameyî. Dewleta tirke ya îşxalkere bi droneyan paştî dayî çeteyan. Badê pêkewtişanê di saetan hêriş ame betalkerdene.
Hetê bînî ra şervanê Hêzanê Sûrîyeya Demokratîke (QSD) yê ke cepheyê Tişrînî de û dormeyê awbendî de vera hêrişê îşxalî yê dewleta tirke û çeteyanê ci yê Artêşa Mîlî ya Sûrîye (SMO) vover danê ANFyî rê qisey kerd.
Şervananê QSDyî ra Baranî nê vatî:
"Çeteyî bitaybetî bi drone û keşfê dewleta tirke hêriş kena. Ma xo ra hem tunelan de hem teber de hazirîya xo kerde. Bi nê taktîkan ma hem awbend hem zî xete pawit. Bi çekanê giranan, dron û çekanê qedexeya hêriş kerdêne ke bikewê zere. La ma nêverda ê bikewê mewzîyanê ma.Tîya têkoşîno tarîxî ame dayene. Heme embazî sey fedakaran xover da. Ma rixmê zûranê dewleta tirke tîya de yê. Ma do tim tîya de bê."
Şervanan ra Bêrîtane Rustem zî nê vatî: ''Embazî tîya bi moral û coşê girdî xover da. Embaz û şarê ma vera dişmenî bi hewayêkê qerardarî xover danê.''
