Endamanê Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) Swisre de Zanîngehê Lozanî de seba ke bale biancê tecrîdê vera Rayberê Şarê Kurdî Abdullah Ocalanî ser çalakîyêke kerde.

Wendekaran çarçewa Hemleya ''Werin Cenga Azadiyê'' de fotografê Abdullah Ocalanî akerdî û bi eşkerayîyêke agahîyî dayî.  

Eşkerayîye de dîya zanayene ke Rayberê Şarê Kurdî 24 serrî yo Zîndanê Îmraliyî de yeno tecrîdkerdene. Eşkerayîye de venga komel û dezgehanê mîyanneteweyîyan ame dayene ke wa derheqê babete de hîsger bibê. Eşkerayîye de ame vîrvistene ke dewleta tirke ya îşxalkere vera gerîlayan çekanê kîmyewîyan şuxilnena.