Yûsûf Îba grevê vêşanîye de kewt roja xo ya 49’î. Parlamenterê Kanada Zîad Aboûltaîfî Îbayî de bi telefon qisey kerd û derheqê çalakîye û weşîya ci de zanayîşî girewtî. Aboûltaîfî va o do na babete parlamento de bîyaro rojdem.
Seke yeno zanayene seba ke tecrîdê serê Rayberê Şarê Kurdî Abdullah Ocalanî bêro wedaritene, bi serkêşîya Leyla Guvene grevê vêşanîye ameybî destpêkerdene û her hetê dinyaye de, hîna zî dewam kenê. Yûsûf Îba yo Kurdistanij zî bajarê Kanada Toronto de kewtibi grevê vêşanîye û ewro kewt roja grevê xo yê 49’ine.
Yûsûf Îba hetê weşîye ra her çiqas ke rewşa girane de bo zî çalakîya xo domneno. Parlamenterê Kanada Aboûltaîfî paytext Ottawa ra Îbayî rê telefon akerd û ê de qisey kerd. Aboûltaîfî va seba ke Ottawa de yo nêeşkîyo bêro zîyaretê ey û naye ra zî ci rê telefon akerdo. Aboûltaîfî va: ”Ez hurmet musnena çalakîya to û ez do nêzdî ra teqîb bikera.”
Reyna qaso ke Aboûltaîfî va, o û çend parlamenterê bînî do hewteyê verê ma bêrê Toronto, Îbayî zîyaret bikerê û derheqê çalakîye û rewşa ey de parlamento de qisey bikero.
