Paytextê Almanya Berlîn de hetê Têgêrayîşê Cinîyanê Ciwanan ra vîrardişêk ame organîzekerdene.

Vîrardiş de mektubê Kinaci ameyî wendene û bi nameyê Cinîyanê Ciwanan ê Azadan Nîlo Dêrsime qisey kerd. Dêrsime ard ziwan ke Zîlane kulturê îlaha cinîyan Kurdistan û Rojakewtena Mîyanêne de newe ra awan kerd û vat, “Aye heme cinîyan û merdimanê dinya rê serkêşîye kerde.” Bi nameyê Meclîsê Şarî yê Berlînî Nûjîyan Gunaye zî ard ziwan ke çalakîya Zîlane rayîrê verê nê çîyî akerdo ke cinî û ciwanî xo bide verê persan. Dimayê sînevîzyonê serê Kinaci, vîrardiş qedîya.

Bajarê Sydneyî yê Avusturya de zî Kinaci teba şehîda enternasyonalîste Reece Hardînge û sîvîlê Başûrê Kurdistanî yê ke hêrişanê dewlata Tirkî de ameybî qetilkerdene, ameyî vîrardene.

Hemsereka NCDK’yî Gulfer Olane vîrardişî de qisey kerd û ard ziwan ke Zîlane bi çalakîya xo da zanayene ke a eşkena biba ziwanê cimatî yê rêxistinbîyayeyî. Hemserekê NCDK’î Îsmet Taştanî zî qirkerdişê dewleta Tirkî yê vera Başûrê Kurdistanî şermezar kerd. Taştanî ard ziwan ke ganî PDK fek tewirê xo yê dişmenîye ra vera bido û ganî şarê ma na xeta îxanetkare bivejo werte. Şerwana enternasyonalîste Reece Hardînga ke Rojawanî de şehîd bîbî, şîîrê ci yê seba domananan ameyî wendene û sînevîzyon ame nawnayene.