Çarçeweya Kampanyaya ''Seba Yuksekdage û Wekîlanê Bînan Azadîye'' de bajarê Zurîhî yê Swîsre de hetê organîzasyonanê cîya cîyayan ê kurdan, swisreyijan û tirkan ra verê Parlamentoyê Kantonî de çalakîyêk ameye viraştene.

Çalakîye de semedê serbest veradayîşê wekîlan sloganî ameyî eştene û derheqê înan de vilawekî ameyî vilakerdene. Eşkerayîye de ame vatene ke Yuksekdage û heme wekîlê bînî yê HDPyî bilaheq bi keyfî ameyî tepiştene û ame waştene ke wa heme cade serbest bêrê veradayene. Çalakwanan derheqê wekîlanê tepişteyan de dosyayêk teslîmê îdarekaranê parlamentoyî kerd.