Grûbê çeteyan ê Artêşa Mîlî ya Sûrîye (SMO) yê ke pabesteyê dewleta tirke yê hêrişê xo yê vera Minbicî rê dewam kenê. Vakur, rojawan û başûrê bajarî dîyenî bombayan ver.

Nê cayan de ge ge çeteyî xîret kenê ke debikewê bajarî. Meclîsê Leşkerî yê Mibicî cewabê hêrişan dano û bajarî paweno. Heta ewro bi desan xîretkerdişê dekewtişê bajarî ameyî astengkerdene.

Çeteyê SMOyî ke nêeşkenê bikewê bajarî cayanê cîya cîyayan ê bajarî bi çektanê giranan, dron û topan danê bombayan ver.

Hetê bînî çeteyê ke pabesteyê Hukmatê Şamî yê mabênê Heleb û Minbicî de tay dewî kerdî veng, şaro ke raştê hêrişê çeteyan yeno hetê pabesteyanê Meclîsê Leşkerî yê Mibicî û Hêzanê Sûrîyeya Demokratîke (QSD) ra yeno pawitene.

Herêmanê mabênê Minbic-Helebî de hêrişî dewam kenê. ANFyî dîmenê nê cepheyan atnî. Şaro ke hukmatê Şamî rîser verda hetê Meclîsê Leşkerî yê Minbicî ra yeno pawitene û şervanî hewcedarîyanê rojane yê şarî zî anê caardene.

Şervananê ke herême de tay nuqtayê asayîşî nayî ro vera hêrişanê ke beno ke bêrê kerdene, tedbîranê asayîşî zî genê.