Dewleta tirke Biradost de sivîlî kerdî hedef, kesêk şehîd bi
Artêşa tirke ya îşxalkere şewe herêma Biradostî ya Başûrê Kurdîstanî de sivîlî dayî bombayan ver. Bombarduman de sivîlêkî dinyaya xo bedilnaye.
HÊRIŞÊ ÎŞXALÎ
Goreyê agahîyanê ke çimeyanê herêmîyan dayê sînorê Biradostî de, dewa Nawdarokî hetê artêşa tirke ya îşxalkere ra dîyaya bombayan ver.
Hêrişî ra dima dewij Serwer Haci Qadirî ra xebere nêameye girewtene û cenazaya ey serê sibayî ameye dîyene. Eşkera bi ke Qadîrî bombarduman de dinyaya xo bedilnaye.
Hewteyê vîyarteyî de zî Şarbajer de hêrişê dewleta tirke de sivîlêkî dinyaya xo bedilnabî. Destpêkê 2024î ra nata hêrişanê dewleta tirke ya îşxalkere de Başûr de tewr tay 10 sivîlan dinyaya xo bedilnaye.
