Çukurova de bi wesîleya 1ê Gulane karkerî vejîyayî waran û heqê xo waştî. Girseyî vat: ''Tecrîd sûcê vera merdimatîye yo'' û azadîya Rayberê Şarê Kurdî Abdullah Ocalanî ameye waştene.

Adana de serkêşîya KESK, DÎSK, TMMOB, Odaya Tabîban û Baroyê Adana Meydanê Îstanyonî de mîtîngêk ame kerdene. Polîsan girseyî rê astengîye vete la girseyî xo ver da. Kortejê DEM Partî bi waştişê azadîya Abdullah Ocalanî dekewt mîtîngî. Serekê Şubeyê 1î yê Genel-Îşî Ersoy Kalîkî mîtîng de vera astengîya polîsan nêrazîbîyayîşê xo mojna. Serekwekîla DEM Partî Gulîstan Kiliç Koçyîgît mîtîng de qisey kerd û waşt ke wa cade tecrîdê Îmraliyî bêro wedaritene. Mîtîng bi konserê Kardeş Turkulerî qedîya.

Mersîn de serkêşîya Platformê Kede û Demokrasîyî de bi hezaran kesan Stadyumê Tevfîk Sirri Gurî de 1ê Gulane fîraz kerd. Wekîlê DEM PArtî Perîhane Koca û Alî Bozan û Hemşaredarê DEM Partî zî tewrê rayraşîyayîşê vera bi stadyumî bîyî. Mîtîng bi deyîranê Îlkaye Akkaya qedîya.

Osmanîye de reya verêne 1ê Gulane ame fîrazkerdene.

Hatay de bi wesîleya 1ê Gulane rayraşîyayîş û mîtîngêk ame kerde. Antalya de zî şarî Parka Aydin Kanzayî de mîtîngêk kerd.