Festîvala Kulturê Dêrsimî ya Ewropa ya 15. bi slogana "Ma ne Xorasan, ma ne Tunceli! Ma Dersim me " bajarê Frankfurtî yê Almanya de Rebstockpark de vizêr dest pêkerde,

Festivale roja diyîne de bi panelê “Meseleya cinîyan de qirkerdişê cins û bawerî ” dest pêkerde.

Panelo ke moderatorîya ci Songule Morsumbul kerd Endama Akademîya Jineolojî Elîfe Kaya, Aktîvîsta ADEFî Zeynepe Hayir û Rojnamegere Nuraye Atmaca sey qiseykerdoxan tewrê ci bîyî.

Zeynepe Hayir mîtolojî, dînê semavî û elewîtîye de cayê cinîyan girewt dest. Elife Kaya zî ard  ke şîdetê vera cinîyan têna fîzîkî nîyo û derheqê qirkerdişê vera cinîyan de qisey kerd.