Qezaya Çelê ya Colemêrgî de seba ke wayîrê îklîm û erdêkê berhemdarî ya, riz yeno karitene. Cayîyanê Çelê wextêk debara xo bi karitişê rizî kerdêne. Riz vajê hema her dewa Çelê de û merkezê qeza de ameyêne karitene. Dewijan rizo ke çînayêne hemeyê bajaranê Kurdistanî rê şirawitêne. Rîyê vengkerdişê dewan û şerî ra, çînayîşê rizî zî herêma Çelê de nêmend.

Çînayîşê Rizî Se ra 70 ra Kewt Se ra 5’î

Hemwelatijê ke rizê xo cite kenê, xetanê qijkekan ê erdanê xo de rizî çînenê. Citkaran menga Gulane de dest bi çînayîşê rizî kerd. Menganê Êlule û Teşrîna Verêne de zî paleyîye kenê. Wextêk se ra 70 cayîyanê Çelê riz çînayêne, la nika kewto heta se ra 5’î. Rizê Çelê bikalîte yo û seba ke bi temamî xozayî yo, hetê şarî ra yeno tercîhkerdene.