Sere de Wan û Colemêrg bajaranê kurdan de bi hezaran zozan û mergî ameyî qedexekerdene. Dewijê ke nêeşkayî vejîyê zozanan nêeşkayî qaso ke îhtîyacîya înan pê esta ber bidê pêser. Wayîrê heywanan her serre menganê wisarî ra heta menganê zimistanî zozanan de mendêne. Dimayê mendişê 7 mengan ra heywanê xo ya  pey ser ardêne dewe yan zî ardêne merkezê şaristanî.   

Wayîrê heywanan ê ke zozanan de mendêne tîya beranê sey penîr, mast, peşmî, rûn û goştî hadre kerdêne. Rîyê qedexeyê zozan û mergan ra dewijî nêeşkayî hadreyîyanê xo yê zimistanî bikerê.

KESÊ KE HEYWANKARÎYE CA VERDAYÎ ESTÊ

Exlebê dewijanê qezayanê Qelqelîya, Bêgir û Erdîşî yê Wanî zî emser nêeşkayî şirê zozanan. Ê mecbûr mendî ke axuran de heywananê xo rê wer bidê. Xeylî heywankaran rîyê qedexeyê zozanan û zemanê berzan ra fek heywankarîye ra vera dayo.

Hemwelatijo bi nameyê Ahmet Tunço ke bi serran o Wan de heywankarîye keno wina qisey kerd: “Ez keyeyê xo ma wisarî heywananê xo girewtêne û şîyêne zozanan. Nê di serranê peyênan de rîyê qedexeyan ra ma nêeşkenê şirê zozanan û emser 23 heywanê mi yê pesî merdî. Hêzê min o ke ez bieşkî simer û alefî biherînî zî çinyo. Heywanê ma hamnanî german ra zimistanî zî do vêşanîye ra bimirê.”