Goreyê medyaya Îranî Hetkara Dayîreyê Karanê Cinîyan Zehra Behrûz pare kerd ke mîqtarê şîdetê zereyê keyeyî vera cinîyan se ra 30 zêdîyayo.

Zehra dîyar kerd ke ganî na babete bêra cigêrayene û verî ke felaketê neweyî biqewimîyê no hal bêro ercnayene.

Rêxistina Heqanê Merdiman a Kurdîstanî dîyar kerd ke menga gulane de Rojhelatê Kurdîstanî de tewr tay 10 cinîyî ameyê qetilkerdene û 9 cinîyan zî xo kişto.

Rojhelatê Kurdîstanî û Îran de 2024 de tewr tay 158 cinîyî ameyê qetilkerdene, 16 hezar û 567 cinîyî zî raştê teda ameyê.