Karkerî ver bi sibayî saete 3.30 de werzenê, hewna ke ezan nêameyo wendene pêwerê xo gênê û kewenê mînîbusan. Dima ke xo bi adir tayê kenê germ saeta 5ine ya sibayî de dest bi karî kenê.

HETA 3 TIRÎ PIR MEBÊ PAYDOS ÇINYO!

Karkerî saete bena çend wa bibo heta 3 tiran mekerê de nêeşkenê paydos bikerê. No zî teqrîben beno dimayê nîmrojî saet 4. Destmizê înan o rojane zî 60 Tl yo.

Ne wer dîyeno înan, ne heqê rayîrî û ne zî sîgorta. Giranîya karî ra tayênan dir fitiqê paştî virazêno.

 ‘QE MEBO SÎGORTAYÊ MA ESTBÎYÊNE…’

Pinar Çakina (23) ke 4 serrî yo pîya bi waya xo baxçeyan de karê arêdayoxî kena vat ke şertê karî zaf giran ê, la ê mecbûrîyet ra nê karî kenê.

Çakine vat: “Tim kar çinyo, la ge-gane zî 1 aşme ma bê şuxulnayîşê îzinî kar kenê. Aşme de nizdê 1300 ma qezenc kenê, tay o la seba ke helal o ma rê qîm keno. Qe mebo sîgortaya ma bidayêne ke ma zî bi zerrêka asane bixebetyayêne.”

Aysel Yilmaza (40) ke hewna domane bîya dest bi karî kerdo, debara keyeyê xo bi nê hawayî kena. Yilmaza ke maya 4 domanan a nê vatî: “Verî heme cinî û keynayê ciwanî yê mehlaya ma zî ameyêne nê karî. Dima ke ez zewejîyaya mi dî ke şertê heyatî viha yê û giran ê. Gama domanê mi tayê bîyî pîl mi reyna dest bi karî kerd. Ser de zî gama deynê keyeyî û mesrefê mektebe yê 4 domanan ameyî mi fikrê nê karî ra teqawidbîyayîşî xeylî pey de eşt.”

İhsan Yerlikaya (36) ise, “Kışın o kadar soğuk olur ki meyveleri toplarken ellerimiz uyuşur soğuktan. Yağmur-çamur da oldu mu

‘MA HEQÊ KEDA XO NÊGÊNÊ’

Îhsan Yerlîkayayî (36) zî vat: “Nika karê baxçeyî hende zor nêyo. Zimistanî gama ma şinê baxçeyanê mandalîna û pirteqalan hîna zor o. Destê ma serdan ra engilisênê. Eke heqê keda ma bidayêne ma do bivatêne ‘eywallah’ la gamêka winayêne nêerzenê.”