2019 de humara multecîyan ê ke îltîcayê Ewropa kerd, goreyê parî sera 10 zafêr biye û 300 hezarî ra ravêrte.

Ame zanayene ke multecîyanê ke îltîcayê Yewîya Ewropa (YE) kerd  hûmara nînan 6 menganê peyênan de zêdîyaye. Goreyê doneyanê  Ajansê îltîca ê EASO yê YE sereyê serr a 2019’î ra heta menga Hezîrane pêro pîya 305 hezar kesan welatanê Ewropa de îltîca kerde. Paytextê Yewîya Ewropa nê semedî ra biqisawet ê. Îltîcayê ke ameyî qebulkerdene sede 30-50 ê. Sey serranê verînan emser zî muracatê tewr zafî Almanya de bîyî. Goreyê rojnameyê Dîê Weltî  Çelê ra heta Hezîrane pêro pîya 100 hezar 233 kesan Almanya de muracat kerd.  Zafê înan Sûrîye, Iraq, Nîjerya, Afganîstan û Tirkîya ra yê. Goreyê Daîreyê Multecîyan û Barkerdişî yê Fedaralî yê Almanya  (BAMF) heta menga Temmuze 119 hezar muracatan netîce girewte.  Îltîcayê ke ameyî qebûlkerdene sede 24 ê.