Cemê Xizirî yê Semsûrî de peyamê heskerdiş û parekerdişî ameyî dayene.

Parekerdişê loqmeyê Xizirî ra dima, bi beşdarîya ciwan, cinî, camêrd û cinîyan, hetê seyan kesan ra cem ame girêdayene. Ocaxa Kurêşan ra Pîr Garîp Bozkurtî cem de pîrtîye kerde û derheqê roceyê Xizirî de qisey kerd, peyamê heskerdiş û parekerdişî dayî

Semsûr de bi munasebetê Roceyê Xizirî, hetê Komelayanê Kulturê Elewîyan ra, Cemxaneyê Yenîmahale de Cemê Xizirî ame organîzekerdene û loqmeyî ameyî parekerdene. Pîr Mahmut Yoldaş, Pîr Erdal Bozkurt, Pîr Huseyîn Guzel, Pîr Mehmet Alî Tutal, Pîr Garîp Bozkurt beşdarê Cemê Xizirî bîyî.

Pîr Garîp Bozkurtî derheqê Roceyê Xizirî yê Elewîyan de qisey kerd û wina va: ”Ganî ma pêro candeyê ke hetê heqî ra ameyê afernayene ra hes bikerê. Ziwan û îtîqatê ci çi beno wa bibo, ma qet kesî qij nêvînenê û xo ra cêr say nêkenê. Ma 72 şaran yew zanê û yew vînenê.”

Qiseykerdişan ra dima çerxê sema destpêkerd.