Cinîya bi nameyê Hatune Guder (40) 11 serran ra dima agêraya welatê xo Dêrsim. Hatune verê berê xo de dezgehêkê qijî nana ro û rîçal û seleyanê ke virazena roşena. Hatune bi nê hawayî hem debarê xo kena hem zî keyfê berardişî kena.

Hatune ana ziwan ke a berardiş û keddayîşî ra hes kena û wina dewam kena: ''Eke ez keye de veng ronişa acizîyena. Trabzon de ez şîya kurdê viraştişê seleyan. Dima ke karê keyeyî qedîyeno ez seleyan virazena. Ez dezgehê xo de înan roşena. Tay zî biba eke ez pereyan qezenç bikera bena kêfweş. Ez û domanê mi ma verê berê de pabeyê muşterîyan ê.''

Hatune pare kena ke hîsê keddayîş zaf rind o û wazena ke wa pêro cinîyî pê nê hîsî bihesîyê. Hatune vana: ''Cinîyê ke beranê û heqê xo ra yenê komel de zêdêr benê wayîrê vatişî. Dima ke mi dî ez eşkena viraştişê seleyan bimusa mi û lajê mi ma pîya dest pê kursê gîtarî kerd.

Ganî ma sey cinîyan payan ser  o vinderê. Ma mêrdeyanê xo ra pere mepawê. Ganî pêro cinîyî ber bîyarê. Bi nê hawayî cinîyî pê xo bawer benê, bihêzêr benê.''