Roşanê komelê êzidîyan ê qedîmî Batîzm hema zî hetê êzidîyan ra yeno fîrazkerdene. Êzidîyî verê cû tedaya Osmanijan û îqtîdaranê hegemonîkan ra semed neçare mendî ke roşanê xo bi hawayêkê nimitkî fîraz bikerê la nika bi hawayêkê azadî fîraz kenê. Roşanê Batîzmî yo ke 7 rojî (heta 19ê çeleyî) dewam keno her roje bi hawayêkê cîya yeno vîyartene. 

Cinîyêka bi nameyê Şerqîya Dirbasa Tirbesipîyîje (60) derheqê roşanî de vat: "Ma 7 rojan seba roşanê Batîzmî amadekarîye kenê. Roja yewîne ma kincanê xo şuwenê û cîranan û feqîran rê hetkarîye kenê. Ma roşan de nanê taybetî virazenê ke nameyê ci Sawik o. Serê nêmeyê nanî de seba nîşankerdişê 12 mengan 23 sembolî yenê xêzkerdene. Dima ma nê nanî vila kenê.''

Cinîyêka bi nameyê Hedîya Şemo zî pare kerd ke ganî no tradîsyono qedîm bêro pawitene. Roşanê Batîzmî goreyê teqwîmê Mîladî hewteyê diyînî yê serre de (çeleyê 14î de) yeno fîrazkerdene. Eşîra Çêlka ya êzidîyan pêro dinya de nê roşanî fîraz kenê. Goreyê bawerîya êzidîyan roşanê Batîzmî sey ''Pîrê Arî'' zî yêno namekerdene. Pîrê Arî temsîlkarê Melegê Tawusî yo.