Galûrî seba ke bi nezanîye yenê arêdayene û rotene estbîyayîşê înan kewto halêkê biqesawetî. Gûlarî demêk her cayê Colemêrgî de vejîyayêne. Nika tena tayê koyan de vejêna. Qaşo yena pawitene, la yeno vatene ke her serre bi hezaran Gûlarî bi hawayêkê nimiteyî Colemêrg ra yenê berdene. Na vilika ke pêroyê dinya de tena Colemêrg û dorê ci de yena, eke bi nê hawayî bi nezanîye bêro arêdayene do çinê bibo.

Gûlarî serê koyan de vejênê. Xeylî estanik û efsaneyan de nameyê aye ravêreno. Asûrîyê ke verî Colemêrg de mendêne, seba ke her serê sibayî dilopê awe yê pakî ke mendêne hesirê çiman na vilike ra ameyêne, ci ra vatêne Gûlare. Wextê çarmêxkerdişê Hz. Îsayî de zî merdiman vatêne na vilike bi hesiranê çimanê Maye Meryeme zergûn bîya, naye ra ci ra vatêne “Veyva ke bermena.” Gûlare heman wextî de hetê Xiristîyanan ra sey vilikêka pîroze yena dîyene.