8ê çeleyî de tayaraya Ukrayna wextêkê kilmî de verî ke meydanê teyarayan ê mîyanneteweyî yê Tehranî ra werişte hewa kewte. Derheqê babete de zanayîşê neweyî eşkera bîyî.

Cigêrayoxan da zanayene ke goreyê vatişanê şahîdan teyara verî ke kewte adir girewt. Rêxistina hewakarîya sivîle ya Îranî vat ke: "Teyaraya ke seba ke meydanê teyarayan ra bivejîye verê co da hetê rojawanî meselêke ra agêraye hetê rastî û wexto ke agêraye kewte."

Teyara de 176 kesî estbî. Kesêk zî nêxelisîya. Teyara de 82 îranijî, 63 kanadayîjî, 11 ukraynayîjî û 10 swêdijî estbî. Serekkomarê Ukrayna Volodemîr Zelenskîyî pare kerd ke hukmat derheqê qezayî de zaf semedan ser o vindeno. Zelenskîyî roja 9ê çeleyî sey roja şîne îlan kerde.